في زياره لطبيب نفسي...

امممم أمي ؟

طيب وأكثر شي بتكرهه؟

امممم أمي كمان ....

الدكتور عصب وحكالي احنا جديين بدك تتعالج بدك تجاوب صح، وبعد مية سؤال وسؤال حكالي بتيجي على موعد بكرا ....

دفعتله كشفية، وطلعت من عنده، صراحة ما ارتحت، حسيت اني بجو تحقيق، بعدين لو حكتله همومي كيف رح يحس فيي، وصلت الدار كالعادة ابوي وامي مطاوشين، عشاني، امي بدها ياني ا مهندس وابوي بدو ياني دكتور ، وانا صافف عجنب ومش عاجبتي كل هالدواوين انا بعرف بدي جرافيك ....

حكيت السلام عليكم، ولا حد رد، فتت على غرفتي ، اتصلت بصاحبي، قلي كيفك يا زلمة ... 

قلتله: مش منيح....

قلي ولل ليش؟ 

قعدت احكيلو تفاصيل بحياتي، بقدرش احكيها لأي حدا حتى اهلي، وهو مقضيها يتهبل، ويحكيلي مالك بتردح مثل البنات، يزلمة مش مستاهلة مكبر الموضوع ... 

وبس قلتله اني رحت عند دكتور نفسي ، حشش ضحك ، ولو شوي اغمى علي ... 

حكتله ولك ابوي بدو ياني دكتور وامي مهندس

بكل بساطة قلي متفوتش جامعة

قلتله بلا زناخة ولك انا تعبان ... بس ضل يمزح لسكرت التلفون 

حسيت براحة نفسية مش طبيعية، حسيت اني صرت منيح، وارتحت اكثر من الجلسة مع الدكتور ، هاد صاحبي من احنا وصغار، بعرف مشاكلي، بس ريحني لأنه ما كبر هالمشاكل بعيني خلاهم شي تافه وبضحك، حتى ما قعد ينظر علي ويحكيلي متل التحقيق

خلاني احكي كل شي بقلبي بطريقته ..... 

احنا مش بحاجة لطبيب نفسي، بحاجة لحدا يفهمنا ، يبكي معنا بمصيبتنا ويضحك علينا، يفهمنا ويكون ملجأ لإلنا بكثير مواضيع بنخاف نحكيها لأهلنا...

بحاجة لصديق بس نكسر كل الحواجز معه ... وبالنهاية ما يبنبهم وويعايرنا . بحاجة للصداقة المليانة حب :)