.jpg)
اجرت المقابلة-ماري غطاس-
حصريا. صبا.نت- "شاب واقع فاهم الواقع"، بهذه الكلمات الشعبيه البسيطة يعبر الشاب الاردني عمر زوربا عن نفسه على صفحة التواصل الاجتماعي( فيس بوك)، ذلك الشاب الذي لفت انظار الشارع الاردني خاصة و العربي عاامة من خلال كتاباته التي ينشرها على مواقع التواصل الاجتماعي، والتي يعبر من خلالها بلغة شعبية عامية بسيطة عن حاله و احوال الكثير من الشباب العربي في كافة المجالات، و يسرد لنا مواقف و حكايات يومية قد تحدث مع كل واحد منا باسلوب كوميدي و بطابع المضحك المبكي احيانا.
عمر زوربا ذلك الشاب الذي لم يمنعه ولم يوقفه اي ضغط من ممارسة حقه الطبيعي في الحياة ، وهو التعبير عن رايه بصراحة وجراه وواقعية دون تجريح او مبالغه او تهجم.
كان لنا معه مقابلة الكترونية بسيطة، اردنا من خلالها تسليط الضو على الشباب العربي الواعي و الموهوب امثال عمر، ونعرض لكم اعزائي القراء ما جاء في المقابلة :
-من هو عمر زوربا ؟
عمر زوربا شب طبيعي زيه زي اي شب عايش بهالحياه و تعبان فيها ، مر بتجارب كتير بحياته خلته يصير عنده خبره بكل اشي بصير حواليه ، بحاول يعبر عنها بشوية حروف بسيطه .
- كيف بدأت قصتك مع الكتابة ؟
بدأت بالكتابه عن طريق صفحات الاعترافات عالفيسبوك ، صرت أألف اعترافات فيها شوية كوميديا ، والكل كان يصدقها من لمسة الواقعيه اللي فيها والاسلوب البسيط وباللغه المحكيه .
. - شو هي طموحاتك للمستقبل ؟
طموحي اكون ناجح ب اي اشي بعمله ، واحاول اكون فدت اي حدا قرألي اي كلمة .
- زرت فلسطين من قبل؟
ما زرت فلسطين و من اهم امنياتي ازورها و رح ازورها قريبًا إن شاء الله .
- عن شو حابب تكتب، بس حاسس انه صعب امنياً ؟
كل اشي بحب اكتبه بكتبه ، حتى لو كان فيه شكاوي عادي بمشي فيها .
- بتسال كتير عن الطبخ خلال كتاباتك، شو اكلتك المفضلة؟
اكلتي المفضله المقلوبه بدون بتنجان ، حتى لو مقلوبة بخيار .
-انت مع المساواه بين الرجل و المرأه ؟
المرأه اساس المجتمع كله ، وانا مع المرأة ومع المساواة !
- من هي عروس عمر زوربا ،شو مواصفاتها لفتاة احلامك وشريكتك المستقبلية، كونه قصص الخطبه و الزواج لها حصة كبيره من كتاباتك ؟
مواصفات فتاة احلامي هي نفسها مواصفات امي.
-لنفترض شي مره روحت لقيت امك و زوجتك متخانقين، والحق مع زوجتك، بتوقف معها ؟
انا مشان هيك حكتلك عن فتاة احلامي تكون متل امي ، لاني لو لقيتها ، مستحيل تتمشكل مع امي .
-حسب اولويات عمر زوربا، ح يكون ترتيب( الصحة، الحب، الاهل، الاكل،المال) :
الاكل ، الاكل ، الاكل ، الاهل ، الصحة ، المال ، الحب .
- شو اكتر شي حابب تغيره بالوطن العربي ؟
حابب اغير نظرتهم للمرأة المطلقة .
- في نهاية حديثنا، كلمة اخيره من عمر زوربا لاهل الزبابده خاصة، وفلسطين عامة؟
اهل الزبابدة الناس الذوق ، بحبهم فردًا فردًا ، اهل فلسطين ع راسي و عيني و بقلبي . 
04/09/2016 17:34 4,789
-450px.jpg)
-450px.jpg)
